የዋና ሥራ አስፈጻሚ መልዕክት

የተከበራችሁ የባንካችን ባለአክሲዮኖች፣

የባንካችንን የ2013 በጀት ዓመት አፈጻጸም ሪፖርት በዓመቱ ከተከሰቱ አበይት ኩነቶች ጋር ሳቀርብላችሁ ታላቅ ደስታ ይሰማኛል፡፡

ባሳለፍነው ዓመት የኮሮና ቫይረስ ወረርሽኝ ባስከተለው አስከፊ የሆነ ዓለምአቀፍ የጤናና ኢኮኖሚያዊ ቀውስ የተነሳ ዓመቱን ሙሉ ቀዳሚ አጀንዳ ሆኖ አልፏል፡፡እንደዓለምአቀፉ የገንዘብ ተቋም (IMF) ሪፖርት ያደጉና በማደግ ላይ ያሉ ኢኮኖሚዎች ዝቅተኛ ዕድገት በማስመዝገባቸው የዓለም ዓመታዊ ዕድገት በዓመቱ መጨረሻ ወደ -3.1በመቶወርዶ ነበር፡፡ ያም ሆኖ ዓመቱ ከዚህ ቀደም ከታዩ ከቀውስ የማንሰራራት ጊዜያት ሁሉ አንጻር ሲታይ ፈጣኑ የኢኮኖሚ ማገገም ከመሆኑ ጋር ተያይዞ የ2021 የዕድገት ምጣኔው5.6በመቶ ይደርሳል ተብሎ ይጠበቃል፡፡ምንም እንኳን የክትባቱ ሥርጭትና ተደራሽነት ወጥ ያልሆነ ቢሆንም ለኢኮኖሚ ማገገሙ በዋናነት የሚጠቀስ ሲሆን የኢኮኖሚ ማንሰራራቱ ባደጉ ሀገራት የተሻለ ቢሆንም በማደግ ላይ ባሉ ሀገራት ግን ዝቅተኛ ነበር፡፡

እንደ ዓለም ባንክ የ2021 ሪፖርት የኮቪድ-19 ስርጭት ከሳሀራ በታች ባሉየአፍሪካ ሀገሮች ቀደም ብሎ ከተጠበቀው በታች መሆን በአካባቢው ጠቅላላ ምርት (GDP) እድገት ላይ እምብዛም ተጽዕኖ ሳያሳድር ይልቁንም በእርሻና የሸቀጦች ዋጋ ላይ የተጠናከረ ዕድገት ታይቷል፡፡ በሀገራችን ኢትዮጵያም ወረርሽኙ ቀስ በቀስ በመስፋፋት ከፍተኛ ቁጥር ያለው ሕይወት በመቅጠፍ ሀገራችንን በአፍሪካ በከፍተኛ ደረጃ ከተጠቁ አራቱ ሀገራት መካከል አስቀምጧታል(አፍሪካ ሲዲሲ)፡፡ በዓመቱ ማገባዳጃ ላይ በአዲሱ የዴልታ ቫይረስ ዝርያአማካኝነት የወረርሽኙ ሶስተኛ ማዕበል ተቀስቅሶ ተጨማሪ ሕይወት መቅጠፍ ጀምሯል፡፡ የንግድእንቅስቃሴን በማዳከምና አጠቃላይ የኢኮኖሚ መቀዛቀዝ በማስከተል የበሽታው አሉታዊ ተጽዕኖዎች በኢኮኖሚያችን ላይ ከፍተኛ ጫና አሳድሯል፡፡ በተጨማሪም በሀገራችን የሰሜኑክፍል ከጥቅምት 2013 ዓ.ም.ጀምሮ የሕግ የማስከበርና የኅልውና ጦርነት ከመከሰቱ ጋር ተያይዞ ኢኮኖሚው ተጨማሪ መሰናክል ገጥሞት ቆይቷል፡፡ምንም እንኳን እንደ ሆቴልና ቱሪዝም እንዲሁም ትራንስፖርት ያሉ ትላልቅ የኢኮኖሚ ዘርፎች የተዳከመ እንቅስቃሴ ቢታይባቸውም የኢትዮጵያ ኢኮኖሚ የ6.1በመቶዕድገት ማስመዝገብ ችሏል፡፡አመታዊው የዋጋ ግሽበትም ዓመቱን ሙሉ በሁለት አኃዝ ደረጃ ሲታይ ቆይቷል፡፡

በተለያየ የምስረታ ደረጃ ላይ የሚገኙ ብዛት ያላቸው አዳዲስ ባንኮች ዘርፉን ለመቀላቀል መነሳታቸውን ተከትሎ የባንክ ኢንዱስትሪው በዕጥፍ ለማደግ ጫፍ ላይ ደርሷል፡፡ በዓመቱ በዘርፉ ለተመዘገበው አመርቂ የተቀማጭ ገንዘብ ማሰባሰብ አፈጻጸም የባንኮች ተወዳዳሪነት መጨመርና የመንግስት የፖሊሲማስተካከያዎችና እርምጃዎች በዋናነት ተጠቃሽ ነበሩ፡፡በዚህም የተነሳ ዘርፉ በሁሉም ዋና ዋና መመዘኛዎች በሚባል ደረጃ ማለትም በተቀማጭ ገንዘብ፣ በብድር፣ ካፒታል፣ በቅርንጫፍ ማስፋፋት እንዲሁም በጠቅላላ የትርፍ መጠን ጥሩ የሚባል ዕድገት አስመዝግቧል፡፡

ባንካችንም ከአጠቃላይ የኢንዱስትሪው ዕድገት የሚገባውን ድርሻ በመውሰድ የ10ዓመት በዓሉን አመርቂ ውጤት በማስመዝገብ አድምቆታል፡፡በአመቱ 63 አዳዲስ ቅርንጫፎች በመላ ሀገሪቱ መከፈታቸው፤ በሌሎች የኮርፖሬትና በቅርንጫፎች ደረጃ በተከናወኑ ዓበይት ተግባራት በመታገዝ ባንካችን የተቀማጭ ገንዘብ በማሰባሰብ ረገድ ከፍ ያለ ውጤት አስመዝግቧል፡፡ይህምየ49 በመቶ ዓመታዊዕድገት በማስመዝገብ አጠቃላይ የቁጠባ መጠኑን ብር 23.9ቢሊዮን አድርሶታል፡፡ባንኩ የተለያዩ የኢኮኖሚ ዘርፎችን ፋይናንስ በማድረግ የብድር መጠኑን በብር 8.4 ቢሊዮን አሳድጎ ጠቅላላ ብድሩንም ብር 20.1 ቢሊዮንበማድረስ የ72 በመቶ ዓመታዊ ዕድገት አስመዝግቧል፡፡በትርፍ በኩልም የታየውም የ80በመቶ ዓመታዊ ዕድገት ከታክስ በፊት የተገኘውን የትርፍ መጠን ብር 1.15 ቢሊዮን አድርሶታል፡፡

ባንካችን በስጋት አስተዳደርና ኮምፕሊያንስ አሰራር ዙሪያ በሠራተኞች ዘንድ አጠቃላይ ግንዛቤን በሚፈለገው ደረጃ ከመፍጠር እንዲሁም ሽብርተኝነትንና የሕገወጥ የገንዘብ ዝውውርን ከመከላከል አንጻር ዓይነተኛ አስተዋጽኦ ያለው ዘመናዊ መተግበሪያ ሥራ ላይ በማዋል ጠቃሚ ተግባራትን አከናውኗል፡፡የማኅበራዊኃላፊነትንከመወጣት አንጻርምባንካችን በርካታ ሀገር አቀፍ እንቅስቃሴዎች ላይ በሰፊው የተሳተፈ ሲሆን በበጀት ዓመቱ እስከ ብር 33.5 ሚሊዮን የሚሆን ገንዘብ ለተለያዩ የበጎ-አድራጎት ተግባራት ይውል ዘንድ ለግሷል፡፡

ያሳለፍነው 2013 ዓ.ም የበጀት ዓመት በአጠቃላይ ሲታይ ፍሬያማ የነበረ ሲሆን በአዲሱ የስራ ዓመት መባቻ ግን ከፊታችን ፈታኝ ተግዳሮቶች ይጠብቁናል፡፡አዲስ የጀመርነው የበጀት አመት በአዲሱ የዴልታ ቫይረስ ዝርያ ሳቢያዳግምየተቀሰቀሰው የኮሮና ወረርሽኝስርጭትጥላ አጥልቶበታል፡፡  በኢኮኖሚውም ረገድ የሀገራችን ሰላምና ደህንነት እንደሚሻሻልና የስራ እድል እንደሚስፋፋ፣ የዋጋ ግሽበቱም እየቀነሰ በመሄድ ሀገራዊ ቁጠባንምእንደሚያበረታታተስፋእናደርጋለን፡፡ ተግዳሮቶቻችንን በብልሃት በማለፍና ከነባራዊው ከባቢ የምናገኛቸውን መልካም አጋጣሚዎች በመጠቀም በደንበኞቻችን፣ በባለአክሲዮኖች እንዲሁም አጠቃላይ ሠራተኞችና ባለድርሻ አካላት ድጋፍና እገዛ ለተሻለ ውጤት እንተጋለን፡፡

ለመላ የባንካችን ሠራተኞች፣ የሥራ አመራር እንዲሁም የዳይሬክተሮች ቦርድ ዓባላት ለባንካችን ውጤታማነት ላበረከታችሁት አስተዋጽኦ ልባዊ ምስጋናዬን ማቅረብ እወዳለሁ፡፡ያለጥርጥር፣ ደንበኞቻችን የስኬታችን ዋነኞቹ ምንጮች ናቸውና በቀጣይ ጊዜያት የላቀና የዘመነ የባንክ አገልግሎት በማቅረብ ውለታቸውን እንከፍላለን፡፡  በዚህ አጋጣሚም የባንካችንን ባለአክሲዮኖች እና የኢትዮጵያ ብሔራዊ ባንክ እንዲሁም ሌሎች ባለድርሻ አካላትን ሥራችንን በስኬት እንድንወጣ ስለረዳችሁን ምስጋናዬን አቀርባለሁ፡፡

 

አመሰግናለሁ፡፡

የኋላ ገሠሠ

ዋና ሥራ አስፈጻሚ